आरोपीविरुद्ध गुन्हा दाखल
marathinews24.com
पुणे – हातउसने घेतलेले पैसे परत करण्याची बतावणी करुन युवतीवर अत्याचार करण्याचा प्रयत्न करण्यात आला. युवतीने विरोध केल्यानंतर आरोपी पसार झाला. या प्रकरणी आरोपीविरुद्ध सहकारनगर पोलिसांनी गुन्हा दाखल केला. नीलेश वाझे (वय ३९, रा. अनंतलक्ष्मी हाॅस्टेल, चैतन्यनगर, धनकवडी) असे गुन्हा दाखल केलेल्याचे नाव आहे. याबाबत एका युवतीने सहकारनगर पोलीस ठाण्यात फिर्याद दिली आहे.
गॅस पुरवठा खंडीत करण्याची बतावणी करुन १० लाखांची फसवणूक – सविस्तर बातमी
पोलिसांनी दिलेल्या माहितीनुसार, आरोपी वाझे हा युवतीच्या ओळखीचा आहे. युवतीकडून त्याने हातउसने २० हजार रुपये घेतले होते. उसने परत करण्याची बतावणी त्याने युवतीकडे केली. त्यानंतर ४ सप्टेंबर रोजी सायंकाळी पैसे परत करण्याची बतावणी करुन तो युवतीला घेऊन दुचाकीवरुन निघाला. युवतीला वाटेत शीतपेय त्याने दिले. शीतपेयात त्याने गुंगीचे ओैषध मिसळले होते. निर्जन ठिकाणी त्याने युवतीला नेले. युवतीच्या लक्षात हा प्रकार आला. त्यानंतर तिने आरोपीला विरोध केला. आरोपीच्या तावडीतून युवती सुटली.
तिने एका ॲपवरुन मोटार बोलाविली. मोटारीतून ती घरी आली. घाबरलेल्या युवतीने नुकतीच पोलिसांकडे तक्रार दिली. पोलीस हवालदार किंद्रे तपास करत आहेत.
