मसाज पार्लर चालक महिलांविरुद्ध गुन्हा
marathinews24.com
पुणे – मसाज पार्लरमध्ये सुरू असलेल्या वेश्या व्यवसायावर पोलिसांनी छापा टाकला. याप्रकरणी सहकारनगर पोलिसांनी मसाज पार्लर चालक महिलांविरुद्ध गुन्हा दाखल केला. लिना उर्फ सोफिया डिसूजा, विभा कल्याणकर अशी गुन्हा दाखल केलेल्या महिलांची नावे आहेत. याबाबत सहायक पोलीस फौजदार बापू खुटवड यांनी सहकारनगर पोलीस ठाण्यात फिर्याद दिली आहे.
कर्ज मंजूर करुन देण्याच्या आमिषाने ८९ लाखांची फसवणूक – सविस्तर बातमी
पोलिसांनी दिलेल्या माहितीनुसार, सातारा रस्त्यावरील धनकवडी भागात एका इमारतीत हॅप्पी स्पा मसार्ज पार्लरमध्ये वेश्याव्यवसाय सुरू होता. याबाबतची माहिती सहकारनगर पोलिसांना मिळाली. त्यानंतर पोलिसांच्या पथकाने तेथे सापळा लावला. बनावट ग्राहकाच्या माध्यमातून खातरजमा करण्यात आली. त्यानंतर पोलिसांनी छापा टाकून डिसूजा आणि कल्याणकर यांना ताब्यात घेतले. मसाज पार्लरमधील तरुणींना ताब्यात घेण्यात आले. चौकशीत आरोपी महिलांनी त्यांना जादा पैशांचे आमिष दाखवून वेश्याव्यवसायास प्रवृत्त केल्याचे उघडकीस आले. त्यानंतर दोघींविरुद्ध गुन्हा दाखल करण्यात आला असून, गुन्हे शाखेच्या पोलीस निरीक्षक सुरेखा चव्हाण तपास करत आहेत.
शहरात मसाज पार्लरच्या नावाखालीा वेश्या व्यवसायाचे प्रकार सुरू असल्याच्या तक्रारी आल्यानंतर पोलीस आयुक्त अमितेश कुमार यांनी कारवाईचे आदेश दिले. दोन दिवसांपूर्वी मार्केटयार्ड भागातील मसाज पार्लरवर छापा टाकून पोलिसांनी महिलेला अटक केली होती. या कारवाईत पोलिसांनी मसाज पार्लरमधील तरुणींची सुटका केली होती.
