३ लाखांचा ऐवज चोरीला
marathinews24.com
पुणे – शहरातील कोथरूड, कात्रजमधील आंबेगाव परिसरात झालेल्या घरफोडीत चोरट्यांनी ३ लाख १० हजार रुपयांचा ऐवज चोरून नेल्याची घटना उघडकीस आली. याप्रकरणी चोरट्यांविरुद्ध गुन्हा दाखल करण्यात आला.
चिमुकलीवर अत्याचार करणाऱ्याला न्यायालयाचा दणका; २० वर्ष कारावासाची सुनावली शिक्षा – सविस्तर बातमी
कात्रजमधील आंबेगाव बुद्रुक परिसरात घराचे कुलूप तोडून चोरट्यांनी कपाटातील अडीच लाख रुपयांचे सोन्याचे दागिने लांबविल्याची घटना उघडकीस आली. याबाबत एकाने आंबेगाव पोलीस ठाण्यात फिर्याद दिली आहे. त्यानुसार चोरट्यांविरुद्ध गुन्हा दाखल करण्यात आला आहे. तक्रारदार हे आंबेगावमधील जांभुळवाडी रस्त्यावर असलेल्या केंदुळकर निवास इमारतीत राहायला आहेत. चोरट्यांनी मंगळवारी (१३ जानेवारी) दुपारी घराचे कुलूप तोडून कपाटातील अडीच लाख रुपयांचे सोन्याचे दागिने लांबविले. पोलीस उपनिरीक्षक कळमकर तपास करत आहेत.
कोथरूडमधील आत्रेय सोसायटीत असलेल्या सदनिकेचे कुलूप तोडून चोरट्यांनी ६० हजार रुपयांचे सोन्याचे दागिने लांबविल्याची घटना उघडकीस आली. याबाबत एका महिलेने कोथरूड पोलीस ठाण्यात फिर्याद दिली आहे. तक्रारदार महिला वारजे भागात राहायला आहेत. त्यंचे आई-वडील आत्रेय सोसायटीत राहायला आहेत. चोरट्यांनी १२ जानेवारी रोजी सदनिकेचे कुलूप तोडून ऐवज लांबविल्याची घटना घडली. पोलीस हवालदार माळी तपास करत आहेत.
