चोरट्यांनी गर्दीचा फायदा घेऊन ४२ हजारांची रोकड चोरली
marathinews24.com
पुणे – खरेदीसाठी आलेल्या महिलेच्या पिशवीतून चोरट्यांनी ४२ हजारांची रोकड चोरून नेल्याची घटना रविवार पेठेत घडली. याप्रकरणी चोरट्यांविरुद्ध गुन्हा दाखल करण्यात आला आहे. याबाबत एका महिलेने फरासखाना पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला आहे.
हडपसरमधील सराफी पेढीतून ९८ लाखाांचे दागिने चोरी – सविस्तर बातमी
पोलिसांनी दिलेल्या माहितीनुसार, तक्रारदार महिला सिंहगड रस्त्यावरील नऱ्हे परिसरात राहायला आहेत. त्या रविवार पेठेतील कापडगंज परिसरात साेमवारी (३० मार्च) दुपारी खरेदीसाठी आल्या होत्या. चोरट्यांनी गर्दीत त्यांच्या पिशवीतून ४२ हजारांची रोकड चोरून नेली. रोकड चोरीचा प्रकार लक्षात आल्यानंतर महिलेने पोलिसांकडे तक्रार दिली. पोलिसांनी कापडगंज परिसरातील सीसीटीव्ही चित्रीकरण तपासले असून, चोरट्याचा शोध घेण्यात येत आहे. पोलीस हवालदार शिंदे तपास करत आहेत. आठवड्यापूर्वी तुळशीबागेत खरेदीसाठी आलेल्या महिलेच्या पिशवीतून दीड लाख रुपयांचे दागिने चोरून नेल्याची घटना घडली होती.
