पसार झालेल्या वाहनचालकाचा शोध सुरू
marathinews24.com
पुणे – खडकीतील होळकर पुलावर भरधाव वाहनाच्या धडकेत एका महिलेचा मृत्यू झाल्याची घटना घडली. अपघातात मृत्युमुखी पडलेल्या महिलेची ओळख पटलेली नाही. मृत्युमुखी पडलेल्या महिलेचे वय अंदाजे ५५ ते ६० वर्ष आहे. याबाबत पोलीस कर्मचारी वैणुनाथ तिखे यांनी विश्रांतवाडी पोलीस ठाण्यात फिर्याद दिली आहे.
माणगावात मोटार चालकाचा खून करुन पसार झालेले अटकेत – सविस्तर बातमी
पोलिसांनी दिलेल्या माहितीनुसार, मंगळवारी (१३ जानेवारी) सकाळी साडेसहाच्या सुमारास खडकीतील होळकर पूलाकडून विश्रांतवाडीकडे जाणाऱ्या रस्त्यावर एक महिला जखमी अवस्थेत पडल्याची माहिती विश्रांतवाडी पोलिसांना मिळाली. पोलिसांनी घटनास्थळी भेट दिली. गंभीर जखमी झालेल्या महिलेला रुग्णालयात दाखल करण्यात आले. उपचारांपूर्वीच तिचा मृत्यू झाला होता. भरधाव वाहनाच्या धडकेत महिलेचा मृत्यू झाल्याची माहिती पोलिसांनी दिली. पसार झालेल्या वाहनचालकाचा शोध घेण्यात येत असून, पोलीस उपनिरीक्षक शेख तपास करत आहेत.
