चोरट्यांविरुद्ध मुंढवा पोलीस ठाण्यात गुन्हा दाखल
marathinews24.com
पुणे – घराशेजारी पार्क करून ठेवलेली अडीच लाख रूपयांची रिक्षा चोरट्यांनी चोरून नेली. ही घटना १९ ऑक्टोबरला मध्यरात्रीच्या सुमारास मुंढव्यातील केशवनगर भागात घडली आहे. याप्रकरणी चोरट्यांविरुद्ध मुंढवा पोलीस ठाण्यात गुन्हा दाखल करण्यात आला आहे. रिक्षाचालकाने ठाण्यात फिर्याद दिली आहे. ते मुंढव्यातील केशवनगर भागात राहायला आहेत.
दिवाळीत नामवंत कंपनीच्या नावे बनावट पादत्राणांची विक्री – सविस्तर बातमी
पोलिसांनी दिलेल्या माहितीनुसार, तक्रारदाराने १९ ऑक्टोबरला केशवननगरमधील जय महाराष्ट्र चौकात रात्री रिक्षा उभी केली होती. चोरट्यांनी रिक्षाचे लॉक तोडून रिक्षा चोरून नेली. चोरीला गेलेल्या रिक्षाची किंमत अडीच लाख रुपये असल्याची माहिती पोलिसांनी दिली. पोलीस कर्मचारी साळुंके तपास करत आहेत. दरम्यान, शहरातून दरदिवशी दुचाकी चोरीला जाण्याचे प्रमाण मोठे आहेत. त्यातच आता रिक्षाचीही चोरी झाल्यामुळे आश्चर्य व्यक्त केले जात आहे. पोलीस अमलदार साळुंके तपास करीत आहेत.
