चोरट्यांविरुद्ध वानवडी पोलिसांनी केला गुन्हा दाखल
marathinews24.com
पुणे – लष्कराच्या वैद्यकीय रुग्णालयाच्या आवारातील मेसमधून चोरट्यांनी ६५ हजार रुपयांची रोकड लांबविल्याचा प्रकार उघडकीस आला आहे. या प्रकरणी चोरट्यांविरुद्ध वानवडी पोलिसांनी गुन्हा दाखल केला आहे. याबाबत कॅप्टन लक्ष्मी एस (वय २९, सध्या रा. ऑफिसर्स मेस, कमांड हाॅस्पिटल आवार, वानवडी) यांनी वानवडी पोलीस ठाण्यात फिर्याद दिली आहे. या प्रकरणी चोरट्यांविरुद्ध गुन्हा दाखल करण्यात आला आहे.
डिझायनिंग अभ्यासक्रमात प्रवेशाच्या आमिषाने ७० विद्यार्थ्यांची फसवणूक – सविस्तर बातमी
पोलिसांनी दिलेल्या माहितीनुसार, लष्कराच्या वैद्यकीय रुग्णालयाच्या (कमांड हाॅस्पिटल) आवारात मेस आहे. ऑफिसर्स मेसचे कार्यालय आवारात आहे. चोरट्यांनी मेसच्या कार्यालयाचे कुलूप तोडले. कपाटात ठेवलेली ६५ हजार रुपयांची रोकड चोरुन नेल्याची घटना गुरुवारी मध्यरात्री घडली. सकाळी हा प्रकार उघडीकस आल्यानंतर पोलिसांकडे तक्रार देण्यात आली. पसार झालेल्या चोरट्यांचा शोध घेण्यात येत असून, वानवडी पोलीस तपास करत आहेत.
