चोरट्यांविरुद्ध गुन्हा दाखल
marathinews24.com
पुणे – ज्येष्ठ नागरिकाकडे बतावणी करुन चोरट्यांनी त्यांच्याकडील दीड लाख रुपयांची सोनसाखळी लांबविल्याची घटना गंगाधाम रस्त्यावर घडली. याबाबत एका ज्येष्ठ नागरिकाने कोंढवा पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
कोरेगाव पार्क’ प्रकरणात वारसदारांचे जबाब – सविस्तर बातमी
तक्रारदार हे गंगाधाम-शत्रूंजय मंदिर रस्त्यावरील एका सोसायटीत राहायला आहेत. ते २० नोव्हेंबर रोजी सायंकाळी फेरफटका मारण्यासाठी बाहेर पडले. सायंकाळी पाचच्या सुमारास शत्रूंजय मंदिर रस्त्यावर एका चोरट्याने त्यांना अडविले. चोरट्याने चेहरा रुमालाने झाकला होताा. ‘परिसरातील एका मंदिरात पूजा करायची आहे. शुभसंकेत म्हणून तुमची सोनसाखळी दाखवा’, अशी बतावणी केली. त्यानंतर चोरट्याने त्यांना बोलण्यात गुंतविले. ज्येष्ठ नागरिकाकडील सोनसाखळी काढून घेतली. सोनसाखळी कागदात गुंडाळून देण्याचा बहाणा केला. दीड लाख रुपयांची सोनसाखळी लांबवून चोरटा पसार झाला. पोलीस उपनिरीक्षक खराडे तपास करत आहेत.
