हडपसर पोलीस ठाण्यात गुन्हा दाखल
marathinews24.com
पुणे – एसटीमध्ये प्रवेश करताना गर्दीचा फायदा घेउन चोरट्यांनी जेष्ठ महिलेकडील पाच हजारांची रोकड, मोबाइल असा १५ हजार ५०० रूपयांचा ऐवज चोरून नेला आहे. ही घटना ३१ मार्चला सकाळी नउच्या सुमारास हडपसरमधील रवीदर्शन चौकात घडली आहे. याप्रकरणी हडपसरमध्ये राहणार्‍या ६३ वर्षीय महिलेने हडपसर पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल करण्यात आला आहे.
कॅम्पमधील बेकरीतून ४६ हजारांची रोकड चोरीला – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला हडपसरमध्ये राहायला असून, ३१ मार्चला सकाळी नउच्या सुमारास रवीदर्शन चौकात एसटीची वाट पाहत थांबल्या होत्या. त्याठिकाणी एसटी आल्यानंतर तक्रारदार महिला एसटीमध्ये प्रवेश करीत होत्या. त्यावेळी गर्दीचा फायदा घेउन चोरट्यांनी महिलेकडील पाच हजारांची रोकड, मोबाइल असा १५ हजारांचा ऐवज चोरून नेला. याप्रकरणी पोलीस अमलदार ए. एच. कचरे तपास करीत आहेत.
