सिंहगड रस्ता परिसर प्रवासादरम्यान घडली घटना
marathinews24.com
पुणे – पीएमपीएल बसप्रवासात गर्दीचा फायदा घेउन चोरट्यांनी जेष्ठाच्या गळ्यातील २० हजार रूपये किंमतीची सोन्याची चैन चोरून नेली. ही घटना १५ जूनला दुपारी पावणेएकच्या सुमारास सिंहगड रस्ता परिसर प्रवासादरम्यान घडली आहे. याप्रकरणी पद्मावती परिसरात राहणार्‍या नागरिकाने स्वारगेट पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
तरुणाला शेअर ट्रेडींगचा परतावा पडला १९ लाखांना – सविस्तर बातमी
पोलिसांनी दिलेल्या माहितीनुसार, तक्रादार हे पद्मावती परिसरात राहायला असून, १५ जूनला दुपारी पावणेएकच्या सुमारास सिंहगड रस्ता परिसर ते स्वारगेट सा पीएमपीएल बसप्रवास करीत होती. बसमध्ये गर्दीचा फायदा घेउन चोरट्यांनी त्यांच्या गळ्यातील २० हजारांची सोन्याची चैन चोरून नेली. बसमधून उतरताना तक्रारदाराला चैन चोरीला गेल्याचे लक्षात आले. त्यानंतर त्यांनी स्वारगेट पोलीस ठाण्यात धाव घेउन तक्रार दाखल केली. याप्रकरणी पोलीस उपनिरीक्षक शैलेश आलाटे तपास करीत आहेत.
