अनेक वृत्तपत्रांमध्ये प्रदीर्घकाळ वार्तांकन
marathinews24.com
पुणे – श्रमिक पत्रकार संघाचे आणि पत्रकार प्रतिष्ठानचे माजी अध्यक्ष, ज्येष्ठ पत्रकार प्रकाश ज्ञानेश्वर भोईटे ( वय ६०, रा. कोथळे, पुरंदर) यांचे दीर्घ आजाराने निधन झाले. त्यांच्या मागे पत्नी, मुलगा, वडील, तीन भाऊ, पुतणे असा परिवार आहे. त्यांच्या पार्थिवावर सोमवारी (दि.१३) रात्री कोथळे गावी अंत्यविधी होणार आहे. भोईटे यांनी पुढारी, देशदूत, पुण्यनगरी, देशोन्नती या वृत्तपत्रांमध्ये प्रदीर्घकाळ वार्तांकन केले. सध्या ते दैनिक केसरीमध्ये कार्यरत होते.
पिस्तूल बाळगणार्या सराईताला पकडले – सविस्तर बातमी
शेतकरी संघटनेचे ते नेते होते. जिल्हा नियोजन समितीचे ते सदस्य होते. जिल्हा परिषदेच्या शाळा मूल्यांकन तपासणी समितीचे सदस्य होते. त्यांना संत गाडगे बाबा ग्रामस्वछता अभियानाचे उत्कृष्ट वार्ताकांनाचे पारितोषिक व महात्मा गांधी तंटामुक्त गाव अभियाननाचे उत्कृष्ट वार्ताकनाचे पारितोषिक मिळाले होते. शेतकऱ्यांसाठी त्यांनी राज्यभरात आंदोलने केली. शेतकरी आंदोलनात त्यांना कारावास भोगावा लागला होता. ‘केसरी’चे विश्वस्त- सरव्यवस्थापक डॉ. रोहित टिळक व ‘केसरी’ च्या विश्वस्त व्यवस्थापिका डॉ. गीताली टिळक यांनी श्रद्धांजली वाहिली आहे.
