उपसभापती डॉ. नीलम गोऱ्हे यांच्याकडून श्रद्धांजली
marathinews24.com
मुंबई – सर्वोच्च न्यायालयाचे वरिष्ठ विधीज्ञ ॲड. सिद्धार्थ शिंदे यांच्या निधनाने कायदाक्षेत्रासह महाराष्ट्राने एक निष्णात वकील गमावला आहे, अशा शब्दांत विधान परिषदेच्या उपसभापती डॉ. नीलम गोऱ्हे यांनी त्यांना श्रद्धांजली अर्पण केली. डॉ. गोऱ्हे म्हणाल्या, सिद्धार्थ शिंदे यांनी सर्वोच्च न्यायालयात महाराष्ट्रातील सत्ता संघर्ष, शिवसेनेचं चिन्ह व पक्ष, आमदार अपात्रतेची सुनावणी अशा अनेक महत्त्वाच्या प्रकरणात आपली निष्णात विधिज्ञता दाखवून दिली.
वाघोलीतील बकोरी रस्त्याचा प्रश्न मार्गी – सविस्तर बातमी
स्थानिक स्वराज्य संस्थांच्या निवडणुकांशी संबंधित घडामोडींवर आणि विविध कायदेशीर विषयांवर त्यांनी समाजमाध्यमांतून केलेले विश्लेषण सर्वसामान्यांना हा विषय मुद्देसूद आणि सोप्या भाषेत समजावून सांगणारे ठरले. “त्यांच्या निधनाने विधी जगतातील एक उज्ज्वल व्यक्तिमत्त्व हरपले आहे. त्यांच्या कुटुंबीयांवर आणि सहकाऱ्यांवर आलेल्या या दुःखात मी सहभागी आहे. ईश्वर त्यांच्या आत्म्यास सद्गती देवो हीच प्रार्थना.
