बारामती विधानसभा पोटनिवडणूक २०२६च्या पार्श्वभूमीवर विद्यार्थिनींची उत्स्फूर्त रॅलीचे आयोजन
marathinews24.com
बारामती – बारामती विधानसभा पोटनिवडणूक २०२६च्या पार्श्वभूमीवर क्रांतीज्योती सावित्रीबाई फुले शासकीय वस्तीगृह, सामाजिक न्याय विभाग यांच्या वतीने आज दि. २१ एप्रिल रोजी मतदान जनजागृती रॅलीचे आयोजन करण्यात आले.
कौशल्याच्या संधी: रोजगाराच्या हमी; विशेष लेख – सविस्तर बातमी
निवडणूक निर्णय अधिकारी उत्तम दिघे तसेच सहाय्यक निवडणूक निर्णय अधिकारी स्वप्नील रावडे यांच्या मार्गदर्शनाखाली ही जनजागृती मोहीम राबविण्यात आली. मतदारांमध्ये मतदानाबाबत जागरूकता निर्माण करून लोकशाही प्रक्रियेत सक्रिय सहभाग वाढविणे हा या उपक्रमाचा उद्देश होता.
या कार्यक्रमाला वस्तीगृह अधीक्षिका सविता खारतोडे, सामाजिक न्याय विभागाच्या दिपाली निवसे तसेच वस्तीगृहातील सर्व विद्यार्थिनी मोठ्या संख्येने उपस्थित होत्या. यावेळी विद्यार्थिनींनी उत्साहाने मतदान जनजागृती रॅली काढत “मतदान करा, हक्क बजावा” अशा घोषणांद्वारे नागरिकांना मतदानासाठी प्रेरित केले. या रॅलीमुळे परिसरात मतदानाबाबत सकारात्मक संदेश पोहोचला असून आगामी निवडणुकीत नागरिकांनी मोठ्या संख्येने मतदान करावे, असे आवाहन यावेळी करण्यात आले.
