बिबवेवाडी पोलीस ठाण्यात गुन्हा दाखल
marathinews24.com
पुणे – रस्त्याच्या दोन्ही बाजूला उभे केलेल्या पोलसह तब्बल दोन लाखांचे दिवे चोरट्यांनी चोरून नेले. ही घटना १ नोव्हेंबरला पुष्पमंगल कार्यालय ते संत एकनाथनगर, बिबवेवाडीत घडली आहे. याप्रकरणी क्षत्रिय कार्यालय अभियंत्याने बिबवेवाडी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
सायबर चोरट्यांना बँकखाते वापरण्यास देणारा अटकेत – सविस्तर बातमी
पोलिसांनी दिलेल्या माहितीनुसार, महानगरपालिकेच्या बिबवेवाडी क्षेत्रिय कार्यालयाच्यावतीने रस्त्यांच्या दोन्ही बाजूला पथदिव्यांची सोय करण्यात आली होती. १ नोव्हेंबरला चोरट्यांनी १०० सुशोभीकरण पथदिवे आणि ६० हजार रूपयांचे पोल चोरून नेले. याप्रकरणी माहिती झाल्यानंतर कार्यालय अभियंत्याने नुकतीच बिबवेवाडी पोलीस ठाण्यात धाव घेत तक्रार दाखल केली आहे. याप्रकरणी पोलीस उपनिरीक्षक अमोल माने तपास करीत आहेत.
