अज्ञात चोरट्याविरुद्ध खडक पोलीस ठाण्यात गुन्हा दाखल
marathinews24.com
पुणे – फ्लॅटचा दरवाजा उघडा असल्याची संधी साधून चोरट्यांनी घरातील २३ हजारांची रोकड, आणि सोन्या-चांदीचे दागिने असा १ लाख २८ हजारांचा ऐवज चोरून नेला. ही घटना १२ जूनला लोहियानगरमध्ये घडली आहे. याप्रकरणी ३० वर्षीय महिलेने खडक पोलीस ठाण्यात फिर्याद दाखल केली. त्यानुसार पोलिसांनी अज्ञात चोरट्यांविरूद्ध गुन्हा दाखल केला असून, सीसीटीव्ही फुटेजनुसार आरोपींचा माग काढला जात असल्याची माहिती पोलिसांनी दिली आहे.
पुण्यात पीएमपीएल बसमध्ये बांगडी कटींग टोळीचा धुमाकूळ – सविस्तर बातमी
पोलिसांनी दिलेल्या माहितीनुसार, तक्रारदार महिला लोहियानगरमध्ये राहायला असून, १२ जूनला रात्री दीड ते दुसर्या दिवशी सकाळी १० वाजेपर्यंत त्यांच्या फ्लॅटचा दरवाजा उघडा होता. नेमकी तीच संधी साधून चोरट्यांनी घरात शिरून रोकडसह सोन्या-चांदीचे दागिने असा १ लाख २८ हजारांचा ऐवज चोरून नेला. याप्रकरणी पोलीस अमलदार धारूरकर तपास करीत आहेत.
