दुचाकीस्वार चोरट्यांनी चोरला लाखांचा मोबाइल
marathinews24.com
पुणे – मोबाइलद्वारे संभाषण करीत पायी चालणे तरूणाला चांगलेच महागात पडले आहे. दुचाकीस्वार चोरट्यांनी तरूणाचा पाठलाग करून त्यांच्याकडील तब्बल १ लाख रूपये किंमतीचा मोबाइल चोरून नेला. ही घटना २५ नोव्हेंबरला रात्री साडेआठच्या सुमारास कोंढवा खुर्दमधील लुल्लानगरातील पॅपीलीऑन सोसायटीसमोर घडली आहे. याप्रकरणी कोंढव्यात राहणार्या तरूणाने कोंढवा पोलीस ठाण्यात धाव घेत तक्रार दाखल केली आहे.
बालाजीनगरातील सोसायटीत दिवसा घरफोडी – सविस्तर बातमी
कोंढव्यात राहायला असून, २५ नोव्हेंबरला रात्री साडेदहाच्या सुमारास मोबाइलद्वारे संभाषण करीत पायी जात होता. त्यावेळी पाठीमागून दुचाकीवर आलेल्या दोघा चोरट्यांनी तरूणाला गाठले. त्याच्याजवळ दुचाकी घेउन तरूणाकडील १ लाखांचा मोबाइल हिसकावून चोरटे पसार झाले. तरूणाने आरडाओरड करेपर्यंत चोरटे दिसेनासे झाले होते. दरम्यान, याप्रकरणी उशिरा तक्रार दाखल झाल्यामुळे पोलिसांनी विलंबाने गुन्हा दाखल केला. याप्रकरणी पोलीस उपनिरीक्षक रवींद्र गावडे तपास करीत आहेत.
