इंडोरन्स चौक महाळुंगे येथील घटना
marathinews24.com
पिंपरी – समोरची गाडी बंद पडल्याने टेम्पो चालकाने त्याच्या ताब्यातील टेम्पो थांबवला. त्यावेळी टेम्पोच्या पाठीमागून आलेल्या ट्रकने टेम्पोला धडक दिली. अपघात झाल्यानंतर ट्रक चालकाने टेम्पो चालकाला बेदम मारहाण करून जखमी केले. ही घटना सोमवारी रात्री इंडोरन्स चौक महाळुंगे येथे घडली.
लग्नाचं स्वप्न पडलं महागात; उच्चशिक्षित तरुणीची ३ कोटींची फसवणूक – सविस्तर बातमी
रवी सुखदेव जाधव (वय ३९, निघोजे, खेड) असे मारहाण झालेल्या टेम्पो चालकाचे नाव आहे. याप्रकरणी त्यांनी महाळुंगे एमआयडीसी पोलीस ठाण्यात फिर्याद दिली आहे. त्यानुसार ट्रक चालकाच्या विरोधात गुन्हा दाखल करण्यात आला आहे. फिर्यादी रवी जाधव टेम्पो सावरदरी येथून निघोजे येथे जात होते. इंडोरन्स चौकात आल्यानंतर त्यांच्या समोरील कार अचानक बंद पडली. त्यामुळे जाधव यांनी त्यांचा टेम्पो थांबवला. दरम्यान टेम्पोच्या पाठीमागून येणारा ट्रकने टेम्पोला धडक दिली. त्यावरून ट्रक चालकाने टेम्पो चालकाला दगडाने मारून जखमी केले. तसेच टेम्पोची तोडफोड करून नुकसान केले. या भांडणात जाधव यांचा मोबाईल फोन गहाळ झाला.
