मुळशी तालुक्यात चाचवली येथे अपघात
marathinews24.com
मुळशी – ब्रेक फेल झाल्याने चालकाने बस रस्त्याच्या उजव्या बाजूला घेण्याचा प्रयत्न केला. त्याचवेळी चिंचवडहून खेड (रायगड) कडे जाणारी दुसरी एसटी बस समोरून आल्याने झालेल्या अपघातात १२ प्रवाशी गंभीर जखमी झाले आहेत. हा अपघात शुक्रवारी (दि.२९) सकाळी नऊच्या सुमारास वाजता मुळशी तालुक्यातील चाचवली गावाजवळ घडला आहे.
बाळकृष्ण आगाशे यांचे निधन – सविस्तर बातमी
दोन एसटी बसमध्ये समोरासमोर भीषण अपघात झाला. अपघातात १२ प्रवासी जखमी झाले असून त्यांच्यावर ग्रामीण रुग्णालय, पौड येथे उपचार सुरू आहेत. श्रीवर्धनकडून बीडकडे जाणारी एसटी बस (क्रमांक एम एच ०६ बी डब्लू ७९८५) गाडीचा अचानक ब्रेक फेल झाला. त्यामुळे चालकाने बस रस्त्याच्या उजव्या बाजूला घेण्याचा प्रयत्न केला. त्याचवेळी चिंचवडहून खेड (रायगड) कडे जाणारी दुसरी एसटी बस (क्रमांक एम एच १४ इ ३२८३) समोरून येत होती. त्यामुळे दोन्ही बसांची समोरासमोर जोरदार धडक झाली. अपघातानंतर प्रवाशांमध्ये आरडाओरड झाली. अपघातानंतर स्थानिकांनी तत्काळ घटनास्थळी धाव घेत जखमींना बाहेर काढून उपचारासाठी ग्रामीण रुग्णालय, पौड येथे दाखल केले.
एसटी अपघातात जखमी झालेल्या सर्व प्रवाशांची प्रकृती स्थिर असल्याचे डॉक्टरांनी सांगितले आहे.
अपघाताबाबत स्थानिक पोलीस आणि एसटी प्रशासनाने तातडीने तपास सुरू केला असून पुढील यो कारवाई करण्यात येत आहे. घटनास्थळी नागरिक, पोलिसांनी मदतकार्य राबवून प्रवाशांना रुग्णालयात दाखल करण्याची तत्परता दाखवली आहे.
