मेट्रो पिलरला कारची धडक
marathinews24.com
पुणे – शहरातील कोरेगाव पार्कमधील मेट्रो अपघातानंतर अजून एक गंभीर अपघात घडला आहे. पौड रस्त्यावर एसएनडीटी मेट्रो स्टेशनसमोर भरधाव कार मेट्रो पिलरला धडकली. त्यामुळे झालेल्या गंभीर अपघातात कारचा चक्काचूर झाला. सुदैवाने एअरबॅग्स उघडल्याने चालकाचा जीव वाचला, अन्यथा भीषण अनर्थ घडला असता, स्थानिकांनी सांगितले. अपघातानंतर पोलिसांना आणि वाहतूक नियंत्रण कक्षाला माहिती देण्यात आली.
खरेदीदार कंपनीचा भागीदार, विक्रीदारासह सह दुय्यम निबंधकावर गुन्हा – सविस्तर बातमी
पोलिसांच्या प्राथमिक तपासानुसार, अपघातग्रस्त वाहन चालकाने मद्यपान केले असण्याची शक्यता व्यक्त करण्यात आली आहे. त्यानुसार त्याची वैद्यकीय चाचणी करण्यासाठी रुग्णालयात दाखल करण्यात आले आहे. घटनास्थळी पोलिसांनी पंचनामा केला असून, अधिक चौकशी सुरू करण्यात आली आहे. दरम्यान, मागील काही दिवसांत सततच्या अपघातामुळे चिंता वाढली असून, बेदरकारपणे वाहने दामटणाऱ्या चालकांविरुद्ध कारवाई करण्याची मागणी केली जात आहे.
