दिवे घाटात दुचाकीस्वार वडिलांसह मुलीचा मृत्यू
marathinews24.com
पुणे – देवदर्शनावरून परतत असताना भरधाव ट्रकच्या धडकेत दुचाकीस्वार वडिलांसह मुलीचा मृत्यू झाल्याची दुर्दैवी घटना दिवे घाटात सोमवारी मध्यरात्री घडली. अपघातात दुचाकीवरील आठ वर्षांचा मुलगा गंभीर जखमी झाला. याप्रकरणी फुरसुंगी पोलिसांनी ट्रकचालकाला अटक केली.
भोंदू अशोक खरात याच्या सीएची एसआयटीमार्फत करा – सविस्तर बातमी
दुचाकीस्वार सुंदर कैलास गंगावणे (वय ३८), त्यांची मुलगी चौकशीअनन्या (वय १२, दोघे रा. उंड्री, कात्रज – कोंढवा रस्ता) अशी मृत्युुमुखी पडलेल्यांची नावे आहेत. अपघातात सोहम कैलास गंगावणे (वय ८) जखमी झाला असून, त्याच्यावर रुग्णालयात उपचार सुरू आहेत. याप्रकरणी ट्रकचालक हनुमंत बाबूराव मलकापुरे (वय ३२, रा. नागेवाडी, ता. शिरूर अनंतपाळ, जि. लातूर) याला अटक करण्यात आली. याबाबत अश्विनी उत्तम पवार (वय ३०, रा. कमलविहार सोसायटी, धनकवडी) यांनी फुरसुंगी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी अश्विनी पवार यांचे मामेभाऊ सुंदर गंगावणे हे मुलगी अनन्या आणि मुलगा सोहम यांना घेऊन दुचाकीवर रविवारी (२९ मार्च) जेजुरीला दर्शनासाठी गेले होते. पुणे-सासवड रस्त्यावरून दुचाकीस्वार गंगावणे आणि मुले सव्वाबाराच्या सुमारास निघाले होते. दिवे घाटात भरधाव ट्रकने दुचाकीला धडक दिली. अपघातात सुंदर गंगावणे, अनन्या आणि सोहम गंभीर जखमी झाले.
माहिती मिळताच पोलीस उपनिरीक्षक ढावरे, देशमुख यांनी घटनास्थळी भेट दिली. ‘गंभीर जखमी झालेले सुंदर, अनन्या, सोहम यांना तातडीने रुग्णालयात दाखल करण्यात आले. उपचारांदरम्यान त्यांचा मृत्यू झाला. सोहम याच्यावर रुग्णालयात उपचार सुरू आहेत. ट्रकचालकाला अटक करण्यात आली आहे’, अशी माहिती फुरसुंगी पोलीस ठाण्याचे वरिष्ठ पोलीस निरीक्षक अमोल मोरे यांनी दिली. पोलीस उपनिरीक्षक देशमुख तपास करत आहेत.
