कोथरूड पोलिसांकडून चोरट्यांविरुद्ध गुन्हा
marathinews24.com
पुणे – वनाज मेट्रो आगारातून (कार शेड) चोरट्यांनी १ लाख ७७ हजार रुपयांचे वातानुकूलन साहित्य चोरीला गेल्याचे उघडकीस आले आहे. याप्रकरणी चोरट्यांविरुद्ध कोथरूड पोलिसांनी गुन्हा दाखल केला आहे. मेट्रोतील कर्मचारी प्रवीण भोई यांनी कोथरूड पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
तरुणीच्या खून प्रकरणी पसार आरोपी गजाआड – सविस्तर बातमी
पोलिसांनी दिलेल्या माहितीनुसार, पौड रस्त्यावरील वनाज मेट्रो स्थानकातील आगारातील कार्यालयात वातानुकूलन यंत्रणेचे साहित्य ठेवण्यात आले होते. चोरट्यांनी इमारतीतील खोलीचे कुलूप तोडले. वातानुकूलन यंत्रणेचे साहित्य चोरून चोरटे पसार झाले. भोई यांच्यासह कर्मचाऱ्यांनी मेट्रो आगाराची पाहणी केली. तेव्हा साहित्य चोरीला गेल्याचे लक्षात आले. त्यानंतर त्यांनी पोलिसांकडे तक्रार दिली. वरिष्ठ पोलीस निरीक्षक संदीप देशमाने यांनी घटनास्थळी भेट दिली. पोलीस हवालदार माळी तपास करत आहेत.
दानपेटी फोडून रोकड चोरी
नाना पेठेतील एका प्रार्थनास्थळाच्या आवारातील दानपेटीचे कुलूप तोडून चोरट्यांनी दहा हजारांची रोकड लांबविल्याची घटना उघडकीस आली. याबाबत एकाने समर्थ पोलीस ठाण्यात फिर्याद दिली आहे. पोलिसांनी दिलेल्या माहितीनुसार, नेहरू रस्त्यावर प्रार्थनास्थळ आहे. चोरट्यांनी दानपेटीचे कुलूप तोडून रोकड चोरून नेल्याची घटना नुकतीच घडली. पोलीस कर्मचारी ओैचरे तपास करत आहेत.
