खंडणी विरोधी पथक एकची कारवाई
marathinews24.com
पुणे – जुन्या वादाचा बदला घेण्यासाठी तरुणावर गोळीबार करून त्याच्या खूनाचा प्रयत्न करणार्या दोघांना गुन्हे शाखेच्या खंडणी विरोधी पथक एकने बेड्या ठोकल्या आहेत. त्यांच्याकडून विदेशी बनावटीचे पिस्तूल तसेच जिवंत काडतूस जप्त करण्यात आले आहे. साहिल महेंद्रसिंग चव्हाण वय २० व बालाजी रामजी उमाप ( वय २२, दोघेही रा. गुलटेकडी स्वारगेट) अशी अटक केलेल्यांची नावे आहेत. गोळीबारात मोजेश शेखापुरे हा तरुण जखमी झाला होता. याप्रकरणी मार्वेâटयार्ड पोलिस ठाण्यात गुन्हा नोंद केला आहे.
दुचाकीचा कट मारल्याचा वाद, तरूणाचा खूनाचा प्रयत्न – सविस्तर बातमी
टोळी वादातून हवेत गोळीबार करून टोळक्याने दहशत माजवली होती. त्यानंतर दोन दिवसांपुर्वी गोळीबाराचा बदला म्हणून टोळक्याने मार्केटयार्ड परिसरातील वखार महामंडळ परिसरात मोजेशवर गोळीबार केला होता. त्यानंतर टोळके पसार झाले होते. टोळक्याचा शोध पोलिस घेत असताना पोलीस अमलदार मयूर भोकरे यांना आरोपींची माहिती मिळाली. दोन्ही आरोपी नांदेड सिटी गेटजवळ जोगेश्वरी मागील बाजूस लपून बसले होते. त्यांच्याजवळ पिस्तूल असून ते पोलिस पथकावर गोळीबार करण्याची शक्यता असल्याची माहिती मिळाली. त्यानंतर पोलीस पथकाने या भागात चारही बाजूने सापळा रचला.
त्यानंतर पोलीस पथकाने दोघांना पकडून त्यांच्याकडून विदेशी बनावटीचे पिस्तूल व जिवंत काडतुसे जप्त केले. तसेच गुन्ह्यात वापरली दुचाकी शोधून जप्त करण्यात आली आहे. ही कामगिरी अपर आयुक्त पंकज देशमुख, अपर आयुक्त मनोज पाटील, उपायुक्त मिलींद मोहिते, एसीपी राहूल आवारे, एसीपी शैलेश संखे, वरिष्ठ पोलीस निरीक्षक विश्वजीत जगताप, पोलीस निरीक्षक सुनीता नवले, एपीआय सुधीर कटारे, सिद्धनाथ भापकर, एपीआय राजेश माळेगावे, उपनिरीक्षक सौरभ माने, हवालदार दयानंद तेलंगे, अमर पवार, राजेंद्र लांडगे, रणजीत फडतरे, रहीम शेख, कौस्तुभ जाधव, संदीप सूर्यवंशी यांनी केली.
