सायबर चोरट्यांविरुद्ध गुन्हा दाखल
marathinews24.com
पुणे – सायबर चोरट्यांनी वेगवेगळ्या घटनेत तिघांची ३७ लाख २२ हजार रुपयांची फसवणूक केली. या प्रकरणी चोरट्यांविरुद्ध माहिती-तंत्रज्ञान कायदा, तसेच फसवणूक केल्या प्रकरणी गुन्हा दाखल केला.
पुण्यात पत्नीचा छळ करणार्या पोलीस हवालदार निलंबित – सविस्तर बातमी
स्वारगेट भागातील महर्षीनगर परिसरात राहणाऱ्या एका ज्येष्ठ नागरिकाची सायबर चोरट्यांनी गुंतवणुकीच्या आमिषाने चार लाख ५० हजार रुपयांची फसवणूक केली. याबाबत ज्येष्ठ नागरिकाने स्वारगेट पोलीस ठाण्यात फिर्याद दिली आहे. वरिष्ठ पोलीस निरीक्षक यशवंत निकम तपास करत आहेत.
शेअर बाजारात गुंतवणुकीच्या आमिषाने एका तरुणाची २६ लाख ७२ हजार रुपयांची फसवणूक करण्यात आल्याचा प्रकार उघडकीस आला. याबाबत तरुणाने कोंढवा पोलीस ठाण्यात फिर्याद दिली आहे. वरिष्ठ पोलीस निरीक्षक कुमार घाडगे तपास करत आहेत.
वाघोली परिसरातील एकाची शेअर बाजारात गुंतवणुकीच्या आमिषाने सायबर चोरट्यांनी सहा लाख रुपयांची फसवणूक केली. या प्रकरणी वाघोली पोलिसांनी चोरट्यांविरुद्ध गुन्हा दाखल केला. तक्रारदार हे वाघोलीतील केसनंदर भागात राहायला आहेत. सायबर चोरट्यांनी मार्च महिन्यात त्यांच्या मोबाइल क्रमांकावर संपर्क साधून शेअर बाजारातील गुंतवणुकीबाबत माहिती दिली होती. गुंतवणुकीच्या आमिषाने चोरट्यांनी त्यांची सहा लाख रुपयांची फसवणूक केली. गुन्हे शाखेच्या पोलीस निरीक्षक पल्लवी मेेहेर तपास करत आहेत
