उपायुक्त पिंगळे, शिंदे यांची बदली
marathinews24.com
पुणे – शासनाच्या गृहविभागाने वरिष्ठ पोलीस अधिकार्यांच्या बदल्या केल्या आहेत. त्यानुसार गुन्हे शाखेचे पोलीस उपायुक्त निखील पिंगळे यांची सातारा जिल्हा पोलीस अधीक्षकपदी नियुक्ती करण्यात आली आहे. तर पोलीस उपायुक्त डॉ. राजकुमार शिंदे यांची वाशिम जिल्हा पोलीस अधीक्षकपदी नियुक्ती केली आहे. त्यामुळे पुणे पोलीस दलात आता दोन अधिकार्याच्या जागा रिक्त झाल्या असून, त्यांच्या जागी अजून कोणाचीही वर्णी लागली नाही. दरम्यान, सीआयडीच्या पुणे पोलीस अधीक्षकपदी महेश्वर रेड्डी यांची नियुक्ती झाली आहे.
समृद्ध भारताच्या निर्मितीत युवकांची भूमिका महत्त्वाची : दीपक करंजीकर – सविस्तर बातमी
पुणे गुन्हे शाखेत कार्यरत असलेले निखील पिंगळे, पोलीस उपायुक्त डॉ. राजकुमार शिंदे या दोन पुण्यातील अधिकार्यांना पोलीस अधीक्षकपदाची लॉटली लागली आहे. तर सातार्याचे विद्यमान पोलीस अधीक्षक तुषार दोशी यांची सांगली पोलीस अधीक्षकपदी नियुक्ती करण्यात आली आहे. सांगलीचे पोलीस अधीक्षक संदीप घुगे यांची राज्य गुप्तवार्ता विभाग मुंबई याठिकाणी बदली झाली आहे. गडचिरोलीचे पोलीस अधीक्षक निलोत्पल यांची कोल्हापूर पोलीस अधीक्षकपदी नियुक्ती झाली आहे. एम. रमेश यांना गडचिरोली जिल्हा पोलीस अधीक्षकपदी नियुक्त केले आहे. श्रीकांत धिवरे हे जळगाव पोलीस अधीक्षकपदी नियुक्ती झाली आहे.
