नवी पेठेतील पूना हॉस्पिटलजवळ घटना
marathinews24.com
पुणे – तरूणांचे मोबाइल हिसकावणार्या दोघांना विश्रामबाग पोलिसांनी अटक केली आहे. ही घटना ६ जूनला संध्याकाळी सव्वा पाचच्या सुमारास नवी पेठेतील पूना हॉस्पिटलजवळ घडली होती. प्रणव विजय परदेशी (वय १९, रा. सदाशिव पेठ), सौरभ परदेशी (वय २५) अशी अटक केलेल्यांची नावे आहेत. याप्रकरणी अनिकेत आनंद गाउडसे (वय २५ रा. एसएनडीटी कॉलेजजवळ, कर्वे रोड) यांनी विश्रामबाग पोलीस ठाण्यात फिर्याद दाखल केली आहे.
वादातून तरूणावर वार, मांजरी बुद्रूकमधील घटना – सविस्तर बातमी
पोलिसांनी दिलेल्या माहितीनुसार, अनिकेत हे ६ जूनला सव्वा पाचच्या सुमारास मित्रासोबत पूना हॉस्पिटलजवळ थांबले होते. त्यावेळी त्याच्या तोंडओळखीतील आरोपी प्रणव व सौरभ याने अनिकेतसह त्याचा मित्र पवन पाटोळे यांना शिवीगाळ केली. आरोपींनी दोघांचे २८ हजारांचे दोन मोबाइल चोरून नेले होते. याप्रकरणी तक्रार दाखल होताच, विश्रामबाग पोलीस ठाण्याच्या वरिष्ठ पोलीस निरीक्षक विजयमाला यांच्या मार्गदर्शनाखाली उपनिरीक्षक मनोज बरूरे यांनी आरोपींना अटक केली आहे. पोलीस उपनिरीक्षक संतोष मोरे तपास करीत आहेत.
