टोळक्याविरुद्ध विमानतळ पोलिस ठाण्यात गुन्हा दाखल
marathinews24.com
पुणे – मुलीच्या छेडछाडीच्या कारणावरून तरुणाला आणि त्याच्या मित्राला मारहाण केल्याप्रकरणी १२ जणांच्या टोळक्याविरुद्ध विमानतळ पोलिस ठाण्यात गुन्हा दाखल करण्यात आला आहे. आरोपींनी तक्रारदारावर सिमेंटच्या ब्लॉकने हल्ला केल्याची घटना चंदननगर येथील खुळेवाडी परिसरात मराठी शाळेसमोर घडली.
पानशेत धरणात बुडून तरुणाचा मृत्यू – सविस्तर बातमी
मनिष राजू पाटोळे (वय 22, रा. शिवशाही चौक, खुळेवाडी, चंदननगर) यांनी तक्रार दिली आहे. त्यानुसार किरण शेडगे, राहुल शेडगे, बाहा शेडगे, निलेश शेलार, माऊली शेलार, ऋषिकेश शेलार, लोकेश शेलार, विक्रांत खाडे, आदेश खडसिंग यांच्यासह आणखी तीन जणांविरुद्ध गुन्हा दाखल करण्यात आला आहे.
तक्रारीनुसार, 17 डिसेंबर रोजी रात्री साडे अकराच्या सुमारास मुलीच्या छेडछाडीच्या कारणावरून आरोपींनी मनिष पाटोळे आणि त्याच्या मित्राला बेदम मारहाण केली. या मारहाणीत सिमेंटच्या ब्लॉकचा वापर करण्यात आल्याचेही तक्रारीत नमूद करण्यात आले आहे. पुढील तपास विमानतळ पोलीस करत आहेत.
