आरोपी काकाला पोलिसांनी सोलापूर परिसरातून केली अटक
marathinews24.com
पुणे – काकाने पुतणीचा विनयभंग केल्याची घटना उघडकीस आली आहे. याप्रकरणी फरासखाना पोलिसांनी गुन्हा दाखल केला असून, काकाला पोलिसांनी सोलापूर परिसरातून अटक केली. याबाबत अल्पवयीन युवतीने फरासखाना पोलीस ठाण्यात फिर्याद दिली आहे. तिने दिलेल्या फिर्यादीनुसार, काकाविरुद्ध बालाकांचे लैंगिक अत्यचाराांपासून संरक्षण अधिनियमान्वये (पोक्सो), तसेच विनयभंग केल्या प्रकरणी गुन्हा दाखल करण्यात आला आहे.
वैद्यकीय अभ्यासक्रमास प्रवेशाच्या आमिषाने फसवणूक – सविस्तर बातमी
पोलिसांनी दिलेल्या माहितीनुसार, पीडित युवती कुटुंबीयांसह राहते. ती एका महाविद्यालयात शिक्षण घेत आहे. आरोपी काका दोन वर्षांपूर्वी युवतीच्या घरी राहत होता. त्यानंतर तो साेलापूरला मूळगावी कुर्डुवाडी येथे गेला होता. १० एप्रिललया सकाळी अकराच्या सुमारास युवती महाविद्यालयातून घरी निघाली होती. त्यावेळी काकाने तिचा पाठलाग केला. तिला रस्त्यात अडवून विनयभंग केला. या घटनेनंतर युवती घाबरली. तिने या घटनेची माहिती पोलिसांना दिली. पोलिसांनी पसार झालेल्या कुर्डुवाडीतून अटक केली. अटक केलेल्या काकाला दोन दिवस पोलीस कोठडीत ठेवण्याचे आदेश देण्यात आले. पाेलीस उपनिरीक्षक पाटील तपास करत आहेत.
