चुकीच्या उपचारामुळे रुग्ण दगवल्याचा केला आरोप
marathinews24.com
पुणे – शहरातील हडपसर भागातील एका खासगी रुग्णालयात रुग्णाच्या नातेवाईकांनी तोडफोड केल्याची घटना बुधवारी घडली. उपचारादरम्यान रुग्ण दगाविल्यानंतर संतप्त नातेवाईकांनी रुग्णालयाच्या प्रशासनावर आरोप करुन तोडफोड केली. याप्रकरणी हडपसर पोलिसांनी तोडफोड प्रकरणात काही जणांना ताब्यात घेतले.
पुणे विमानतळावर २ कोटी २९ लाख रूपयांचा हायड्रोपोनीक गांजा पकडला – सविस्तर बातमी
हडपसर भागातील एका खासगी रुग्णलयात उपचारासाठी रुग्ण दाखल झाला होता. उपचारादरम्यान रुग्णाचा मृत्यू झाला. बुधवारी सकाळी रुग्णाचे नातेवाईक आवारात जमले. डाॅक्टरांच्या हलगर्जीपणामुळे रुग्ण दगाविल्याचा आरोप करुन नातेवाईकांनी दुपारी बाराच्या सुमारास तोडफोड करण्यास सुरुवात केली. रुग्णालायच्या काचेच्या दरवाज्यांवर दगडफेक करण्यात आली, तसेच खुर्च्यांची तोडफोड करण्यात आली. या घटनेची माहिती मिळताच हडपसर पोलीस ठाण्याचे वरिष्ठ पोलीस निरीक्षक संजय माेगले यांनी घटनास्थळी भेट दिली. तोडफोडीनंतर रुग्णलयाच्या परिसरात तणाव निर्माण झाला. पोलिसांनी अतिरिक्त बंदोबस्त मागविला. याप्रकरणी गुन्हा दाखल करण्याचे काम सुर असून, काही जणांना ताब्यात घेतले आहे, अशी माहिती पोलीस निरीक्षक मोगले यांनी दिली.
