आरोपीला बाणेर पोलिसांनी केली अटक
marathinews24.com
पुणे – वाहन चोरट्याने शक्कल लढवून चोरीच्या वाहनाला बनावट क्रमांक टाकून ती स्वतःची असल्याचे भासवले. मात्र, नाकाबंदीवेळी बाणेर पोलिसांनी आरोपीला अटक केली आहे. ही घटना ६ एप्रिलला संध्याकाळी साडेपाच वाजण्याच्या सुमारास बाणेर परिसरात नाकाबंदीवेळी उघडकीस आली आहे. तुकाराम संदीपान खांडेकर (वय ३८ रा. आंबेगाव खुर्द, कात्रज) असे अटक केलेल्या आरोपीचे नाव आहे. याप्रकरणी पोलीस अमलदार स्वप्नील मराठे यांनी बाणेर पोलीस ठाण्यात फिर्याद दाखल केली आहे.
पुण्यात सायबर चोरट्यांकडून ऑनलाईन लुटीचा सपाटा सुरूच – सविस्तर बातमी
पोलिसांनी दिलेल्या माहितीनुसार, पोलीस अमलदार संदीप मराठे हे बाणेर पोलीस ठाण्यात नियुक्तीला आहेत. ६ एप्रिलला ते पोलीस ठाण्याच्या हद्दीत नाकाबंदीत काम करीत होते. त्यावेळी त्यांनी एका वाहन चालकाला (एमएम १० डीवाय ३४५७) थांबवून कागदपत्रांची मागणी केली. त्यावेळी संबंधिताने कागदपत्रे नसल्याचे सांगत उडवाउडवीची उत्तरे दिली. संशय आल्यामुळे आरोपी तुकाराम खांडेकर याला पोलिसांनी ठाण्यात आणून चौकशी केली. त्यावेळी त्याने ताब्यातील ५ लाखांचे वाहन चोरी करून दुसर्या वाहनाचा बनावट क्रमांक टाकल्याचे उघडकीस आले. याप्रकरणी पोलीस उपनिरीक्षक सुप्रिया मांढरे तपास करीत आहेत.
