आरोपी अटकेत; ४१ झाडे लावल्याचे उघड
marathinews24.com
पुणे – लोहगाव भागातील एका बंगल्यात गांजाची लागवड करण्यात आल्याचा प्रकार पोलिसांनी उघडकीस आणला. याप्रकरणी लोहगाव पोलिसांनी एकाला अटक केली असून, त्याच्याकडून सहा लाख रुपयांचा मुद्देमाल जप्त करण्यात आला आहे.
डेक्कन परिसरात टोळक्याची एकाला बेदम मारहाण, दातही पाडले – सविस्तर बातमी
हर्ष भरतकुमार पांचाल (वय ३०, रा. नमो पॅरेडाईज, पठारे वस्ती, लोहगाव) असे अटक करण्यात आलेल्याचे नाव आहे. पांचाल मूळचा गुजरातमधील अहमदाबादचा रहिवासी आहे. त्यांनी लोहगाव भागात एक बंगला भाडेतत्त्वावर घेतला होता. बंगल्यात त्याने गांजाची लागवड केली होती.
पांचाल हा गांजा विक्री करत असल्याची माहिती गस्त घालणारे पोलीस शिपाई आकाश मोरे आणि अमोल आदलिंग यांना मिळाली. त्यानंतर पोलिसांच्या पथकाने बंगल्यात छापा टाकला. बंगल्यातील पाठीमागील बाजूस असलेल्या मोकळ्या जागेत गांजाची ४१ झाडे लावल्याचे उघडकीस आले आहे. पोलिसांनी त्याच्या मोटारीतून गांजा जप्त केला. अमली पदार्थ कायद्यान्वये पांचाल याच्याविरुद्ध गु्न्हा दाखल करुन त्याला अटक करण्यात आली. गांजाची झाडे, मोटारीतील गांजा, तसेच मोटार असा सहा लाख रुपयांचा मुद्देमाल जप्त करण्यात आला.
अतिरिक्त पोलीस आयुक्त मनोज पाटील, उपायुक्त साेमय मुंडे, सहायक आयुक्त नूतन पवार यांच्या मार्गदर्शनाखाली लोहगाव पोलीस ठाण्याच्या वरिष्ठ पोलीस निरीक्षक मनीषा पाटील, सहायक निरीक्षक शुभांगी मगदूम, उपनिरीक्षक मनोज बरूरे, गणेश इथापे, अमोल आदलिंग, गणेश सातपुते, बाळासाहेब शिरसाठ, जोतीराम देवकाते, दादासाहेब बर्डे, अश्विन देठे, ज्ञानदेव आवारी यांच्या मार्गदर्शनाखाली ही कारवाई करण्यात आली.
