टोळक्याविरूद्ध गुन्हा दाखल
marathinews24.com
पुणे – वडगाव बुद्रूकमध्ये तीन महिलांसह टोळक्याने एका महिलेला बेदम मारहाण करीत तिच्या गळ्यातील मंगळसूत्र चोरून नेले. ही घटना १४ डिसेंबरला संध्याकाळी पावणेपाच वाजण्याच्या सुमारास घडली असून, याप्रकरणी संबंधित महिलेच्या पतीने सिंहगड रोड पोलीस ठाण्यात फिर्याद दाखल केली आहे. त्यानुसार तीन महिलांसह पाच अनोळखी आरोपींविरूद्ध गुन्हा दाखल करण्यात आला आहे.
मोटारीतील पावणेदोन लाखांची रोकड चोरीला – सविस्तर बातमी
पोलिसांनी दिलेल्या माहितीनुसार, तक्रारदाराची पत्नी वडगाव बुद्रूकमधील सिंहगड कॅम्पस परिसरात राहायला आहे. १४ डिसेंबरला तीन महिलांसह पाच अनोळखी हल्लेखोरांनी महिलेला गाठले. तिला बेदम मारहाण करीत गळ्यातील सोन्याचे मंगळसूत्र हिसकावून नेले. दरम्यान, घटनेनंतर घाबरलेल्या महिलेने काही दिवस कोणालाही माहिती दिली नव्हती. याप्रकरणी प्रकरणाची माहिती मिळताच त्यांच पतीने पोलीस ठाण्यात धाव घेत तक्रार दाखल केली. याप्रकरणी पोलीस उपनिरीक्षक भुपेश साळुंके तपास करीत आहेत.
