सासू, सासऱ्यासह आजेसासू अटकेत
marathinews24.com
पुणे – सासरच्या छळामुळे महिलेने गळफास घेऊन आत्महत्या केल्याची घटना हडपसर भागात घडली. याप्रकरणी सासू सासऱ्यासह आजेसासूला फुरसुंगी पोलिसांनी अटक केली. पूनम युवराज लष्करे (वय २२, रा. शेवाळवाडी, ऊरळी देवाची, हडपसर-सासवड रस्ता) असे आत्महत्या केलेल्या महिलेचे नाव आहे. याप्रकरणी सासू तारा लष्करे, सासरे संतोष, आजेसासू बायडाबाई यांंना अटक करण्यात आली. पूनमच्या पतीविरुद्ध गुन्हा दाखल करण्यात आला आहे. पूनमच्या वडिलांनी फुरसुंगी पोलीस ठाण्यात फिर्याद दिली आहे.
पुण्यात आंदोलन करणे भोवले; १० विद्यार्थ्यांविरुद्ध गुन्हा दाखल – सविस्तर बातमी
पोलिसांनी दिलेल्या माहितीनुसार, पूनमचा पती रिक्षाचालक आहे. विवाहानंतर मूलं होत नसल्याने सासू, सासरे, आजेसासूनने तिचा छळ सुरू केला. पतीने रिक्षा खरेदी करण्यासाठी माहेरहून पैसे आणण्याची मागणी केली. छळामुळे पूनमने बुधवारी (३१ डिसेंबर) राहत्या घरात गळफास घेऊन आत्महत्या केली. सहायक पोलीस निरीक्षक किशोर पवार तपास करत आहेत.
