वाघोलीतील वाघेश्वर चौकात झाला अपघात
marathinews24.com
पुणे – भरधाव डंपर चालकाने दिलेल्या धडकेत दुचाकीस्वार महिलेचा मृत्यू झाला आहे. ही घटना २८ सप्टेंबरला सकाळी साडेआठच्या सुमारास वाघोलीतील वाघेश्वर मंदीर चौकात घडली आहे. याप्रकरणी डंपर चालकाविरुद्ध पोलिसांनी गुन्हा दाखल केला. भारती प्रकाश देठे (वय ४५, रा. मिलिंद बेकरीजवळ, आळंदी रस्ता, विश्रांतवाडी) असे मृत्युमुखी पडलेल्या दुचाकीस्वार महिलेचे नाव आहे. पोलीस कर्मचारी दत्तात्रय गोरे यांनी वाघोली पोलीस ठाण्यात फिर्याद दिली आहे.
शेअर बाजारात गुंतवणुकीचे आमिष, तरुणाला ३० लाखांचा गंडा – सविस्तर बातमी
पोलिसांनी दिलेल्या माहितीनुसार, दुचाकीस्वार भारती देठे रविवारी (दि.२८ सकाळी साडेआठच्या सुमारास नगर रस्त्यावरुन जात होत्या. त्यावेळी वाघोलीतील वाघेश्वर मंदिर चौकात भरधाव डंपरने दुचाकीस्वार महिलेला पाठीमागून धडक दिली. अपघातात गंभीर जखमी झालेल्या भारतीला तातडीने खासगी रुग्णालयात दाखल करण्यात आले. मात्र, उपचारांपूर्वीच त्यांचा मृत्यू झाला. अपघातानंतर पसार झालेल्या डंपर चालकाविरुद्ध गुन्हा दाखल करण्यात आला आहे. पोलीस उपनिरीक्षक अमोल काळे तपास करत आहेत.
