टोळक्याविरूद्ध भारती विद्यापीठ पोलिसांनी केला गुन्हा दाखल
marathinews24.com
पुणे – मोटारीतून तरूणाचे अपहरण करीत त्याला बेदम मारहाण करणार्या टोळक्याविरूद्ध भारती विद्यापीठ पोलिसांनी गुन्हा दाखल केला आहे. टोळक्याने संबंधित तरूणाच्या डोक्याला दोन पिस्तूल लावून धमकावल्याचेही तक्रारीत नमूद करण्यात आले आहे. ही घटना ८ नोव्हेंबरला रात्री पावणेअकराच्या सुमारास आंबेगाव बुद्रूकमध्ये घडली आहे. श्वेतांग निकाळजे, रोमिया कांबळे, ओम गायकवाड, स्वप्नील कांबळे यांच्याविरूद्ध गुन्हा दाखल करण्यात आला आहे. शिवा मुत्याळ (वय ३१ रा. आंबेगाव बुद्रूक) याने भारती विद्यापीठ पोलीस ठाण्यात फिर्याद दाखल केली आहे.
पीएमपीएल बसप्रवासात महिलेचे मंगळसूत्र चोरीला – सविस्तर बातमी
पोलिसांनी दिलेल्या माहितीनुसार, तक्रारदार शिवा आणि आरोपी एकमेकांच्या ओळखीचे आहेत. ८ नोव्हेंबरला आरोपींनी शिवाला विरंगुळा रेसीडन्सीपासून गाडीत बसवून अपहरण केले. तु लय मोठा झालाय, एकटाच कंत्राट घ्यायला लागला आहेस, टॉवर कंपनीचे पैसे दे असे म्हणत टोळक्याने शिवाला मारहाण केली. त्याच्या गळ्याला कोयता लावून धमकावले. त्यानंतर भोर रस्त्यावर नेउन त्याला गाडीतून खाली उतरवले. आरोपींनी त्यांच्याकडील दोन पिस्तूल शिवाच्या डोक्याला लावून धमकाविण्यात आले. याप्रकरणी पोलीस उपनिरीक्षक नीलेश मोकाशी तपास करीत आहेत.
