चालकाविरूद्ध गुन्हा दाखल
marathinews24.com
पुणे – भरधाव बसच्या धडकेत पादचारी तरूण ठार झाल्याची घटना १५ एप्रिलला दुपारी एकच्या सुमारास पिसोळी रोडवर घडली आहे. याप्रकरणी अनोखळी बसवरील चालकाविरूद्ध गुन्हा दाखल करण्यात आला आहे. अर्जुन भीष्माचार्य म्हस्के (वय ३५, रा. अपर इंदिरानगर, बिबवेवाडी ) असे ठार झालेल्याचे नाव आहे. याप्रकरणी शुभम अडागळे (वय २२ रा. कात्रज) यांनी काळेपडळ पोलीस ठाण्यात फिर्याद दाखल केली आहे.
गॅस बिल भरण्याच्या नावाखाली सायबर चोरट्यांनी घातला गंडा – सविस्तर बातमी
पोलिसांनी दिलेल्या माहितीनुसार, अर्जन म्हस्के हे १५ एप्रिलला दुपारी एकच्या सुमारास पिसोळी रस्त्यावरील धर्मावत पेट्रोल पंपाजवळून पायी जात होते. त्यावेळी भरधाव बस चालकाने त्यांना धडक दिली. त्यामुळे गंभीररित्या जखमी झाल्यामुळे अर्जुनचा मृत्यू झाला. याप्रकरणी सीसीटीव्ही फुटेजनुसार आरोपी बसचालकाचा शोध घेतला जात असल्याची माहिती पोलिसांनी दिली आहे. पोलीस उपनिरीक्षक अनिल निंबाळकर तपास करीत आहेत.
कंपनीतून ८० हजारांचा ऐवज चोरीला
पुणे- कंपनीच्या फ्लॅटचे कुलूप तोडून चोरट्यांनी लॅपटॉप, कॅमेरा असा ८० हजारांचे साहित्य चोरून नेले आहेत. ही घटना ६ ते ७ एप्रिलला वारजेतील विघ्नहर सोसायटीत घडली आहे. याप्रकरणी महिलेने वारजे माळवाडी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, वारजेतील विघ्नहर सोसायटीत स्केल आर्टस इन कंपनी असून, त्याठिकाणी लॅपटॉप, कॅमेर्यासह इतर साहित्य होते. ६ ते ७ एप्रिल कालावधीत चोरट्यांनी फ्लॅटचे कुलूप तोडून ८० हजारांचे साहित्य चोरून नेले आहे. याप्रकरणी पोलीस उपनिरीक्षक अर्जुन नायकावडे तपास करीत आहेत.
