चोरट्यांविरुद्ध गुन्हा दाखल
marathinews24.com
पुणे – शहरातील नामांकित डिमोरा क्लब पार्किंगमध्ये मोटारीत झोपलेल्या तरूणाच्या गळ्यातील दीड लाखांची सोन्याची चैन चोरून नेल्याची घटना ३१ जानेवारीला रात्री दहाच्या सुमारास घडली आहे. तक्रारदाराच्या मित्राकडील साडेसहा हजारांची रोकड, मोबइल असा १ लाख ६४ हजारांचा ऐवज चोरून नेला आहे.
सायलेन्सर मॉडीफाय करणाऱ्या गॅरेज चालकावर कारवाई – सविस्तर बातमी
पोलिसांनी दिलेल्या माहितीनुसार, तक्रारदार हे बावधन परिसरात राहायला असून, ३१ जानेवारीला रात्री डिमोरा क्लबमध्ये पार्टीसाठी गेले होते. त्यानंतर ते पार्किंग मधील मोटारीत येउन झोपले होते. त्यावेळी चोरट्यांनी त्यांच्या गळ्यातील दीड लाखांची सोन्याची चैन, दुसर्या मित्राकडील साडेसहा हजारांची रोकड असा १ लाख ६४ हजारांच ऐवज चोरून नेला. पहाटेच्या सुमारास त्यांना चोरी झाल्याचे लक्षात आले. त्यानंतर त्यांनी पोलीस ठाण्यात धाव घेत तक्रार दाखल केली. याप्रकरणी पोलीस उपनिरीक्षक रेश्मा मोरे तपास करीत आहेत.
