पर्वती पोलीस ठाण्यात गुन्हा दाखल
marathinews24.com
पुणे – शेअर ट्रेडींग कंपनीचे एजंट असल्याचे भासवून गुंतवणूकीच्या आमिषाने सायबर चोरट्यांनी एकाला तब्बल १४ लाख ६८ हजारांचा ऑनलाईन गंडा घातला आहे. ही घटना २९ जानेवारी ते ११ फेबु्रवारी २०२६ कालावधीत सिंहगड रोड परिसरात घडली आहे. याप्रकरणी ५७ वर्षीय नागरिकाने पर्वती पोलीस ठाण्यात फिर्याद दाखल केली आहे. त्यानुसार मोबाइलधारकाविरूद्ध गुन्हा दाखल करण्यात आला आहे.
जुन्या भांडणातून तरूणाला बेदम मारहाण – सविस्तर बातमी
पोलिसांनी दिलेल्या माहितीनुसार, तक्रारदार हे सिंहगड रोड परिसरात राहायला असून, २९ जानेवारीला सायबर चोरट्यांनी त्यांना संपर्क साधला होता. शेअर ट्रेडींग कंपनीचे एजंट असल्याचे भासवून गुंतवणूकीच्या आमिषाने त्यांचा विश्वास संपादित केला. त्यानुसार तक्रारदाराने गुंतवणूकीला सुरूवात करीत तब्बल १४ लाख ६७ हजारांची गुंतवणूक केली. मात्र, त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी सहायक पोलीस निरीक्षक नानासाहेब जाधव तपास करीत आहेत.
