३५ लाख ५३ हजारांचा गंडा
marathinews24.com
पुणे – रेल्वेत शासकीय नोकरीला लावण्याच्या बहाण्याने चौघाजणांनी १६ जणांची फसवणूक केली आहे. आरोपींनी संबंधित तक्रारदारासह इतरांकडून मिळून तब्बल ३५ लाख ५३ हजारांचा गंडा घातला आहे. ही घटना १७ जुलै २०२५ ते मार्च २०२६ कालावधीत धनकवडीतील कामना इमारतीत घडली आहे. याप्रकरणी सहकारनगर पोलीस ठाण्यात गुन्हा दाखल करण्यात आला आहे.
घरातून साडेआठ लाखांचे दागिने चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे धनकवडीत राहायला असून, काही महिन्यांपुर्वी त्यांची आरोपींसोबत ओळख झाली होती. त्याचा गैरफायदा घेत आरोपींनी तक्रारदाराच्या मुलाला रेल्वेत नोकरीला लावतो, अशी बतावणी केली होती. त्यासाठी धनकवडीतील कामना इमारतीत कार्यालयही दाखवले होते. विश्वास संपादित झाल्यानंतर तक्रारदाराने संबंधितांना पैसे दिले. त्यासोबत इतर १५ जणांनीही आरोपींच्या मागणीनुसार पैसे दिले होते. मात्र, रेल्वेत नोकरी न लावता चौघांनी त्यांची फसवणूक केली आहे. याप्रकरणी सहायक पोलीस निरीक्षक सोनाली कथले तपास करीत आहेत.
