३० ठिकाणी झाडे कोसळली
marathinews24.com
पुणे – शहरात सुरू असलेल्या संततधार पावसामुळे कात्रजमधील जांभुळवाडीत एका सोसायटीतील सीमाभिंत रविवारी पहाटे कोसळली. या घटनेत नऊ मोटारी, तसेच नऊ दुचाकींचे नुकसान झाले. सुदैवाने या घटनेत कोणी जखमी झाले नाही. पावसामुळे शहर परिसरात ३० ठिकाणी झाडे कोसळली
शहरात गेल्या चार दिवसांपासून संततधार पाऊस सुरू आहे. शहरातील वेगवेगळ्या भागात झाडे कोसळली.
घरकाम करणाऱ्या महिलेकडून २ लाखांच्या अंगठ्या लंपास – सविस्तर बातमी
शहरातील वेगवेगळ्या भागात २३० ठिकाणी झाडे कोसळली. कात्रजमधील जांभुळवाडी भागात असलेल्या समृद्धी लेक सोसायटीची सीमाभिंत रविवारी पहाटे कोसळली. सीमाभिंत पार्किग शेडवर काेसळल्यानंतर नऊ मोटारी, नऊ दुचाकींचे नुकसान झाले. या घटनेची माहिती मिळताच कात्रज आणि सिंहगड रस्ता अग्निशमन केंद्रातील जवानांनी घटनास्थळी धाव घेतली. पार्किंग शेडमधील लोखंडी गज कापण्यासाठी फॅब्रिकेशन कामगाराची मदत घेण्यात आली. ग्राईंडर, कटरचा वापर करुन पत्रे बाजूला काढण्यात आले. त्यानंतर सीमाभिंतीच्या राडारोड्याखाली अडकलेली १८ वाहने बाहेर काढण्यात आली. उपअग्निशन अधिकारी संतोष भिलारे, जवान मयूर काटे, प्रशांत कुंभार, अक्षय देवकर, शेख, सुनील दिवाडकर, राकेश बरे, संभाजी आटोळे, आदिनाथ पवार हे मदत कार्यात सहभागी झाले होते. सुदैवाने या घटनेत कोणी जखमी झाले नाही, अशी माहिती अग्निशमन दलाच्या मुख्य नियंत्रण कक्षाकडून देण्यात आली.
वाकडेवाडीत झाड कोसळून दोन वाहनांचे नुकसान
कसबा पेठेतील गावकोस मारुती मंदिर रस्ता, तसेच जुन्या मुंबई-पुणे रस्त्यावरील वाकडेवाडी भागात अंडी उबवणी केंद्राजवळ झाड कोसळण्याची घटना घडली. गावकोस मारुती मंदिर रस्ता वाहतुकीस बंद झाल्यानंतर अग्निशमन दलाच्या जवानांनी झाडांच्या फांद्या हटवून रस्ता वाहतुकीस खुला करुन दिला. मुंबई-पुणे रस्त्यावर अंडी उबवणी केंद्राजवळ रविवारी दुपारी झाड कोसळले. झाडाची फांदी माेटार आणि रिक्षावर कोसळले. या घटनेत मोटारीसह रिक्षाचे नुकसान झाले. शहर परिसरात गेल्या २४ तासात ३० ठिकाणी झाडे कोसळल्याची घटना घडली. सुदैवाने या घटनेत कोणी जखमी झाले नाही, अशी माहिती अग्निशमन दलाने दिली.
