पोलिसांशी संपर्क साधण्याचे आवाहन
marathinews24.com
बीड – जिल्ह्यातील केजमधील २१ वर्षीय महिला बेपत्ता झाली आहे. दोन वर्षाच्या मुलाला घरी ठेवून विवाहित घरातून निघून गेली आहे.बेपत्ता महिला कुणाला आढळल्यास केज पोलिस किंवा जवळच्या पोलिसांशी संपर्क साधण्याचे आवाहन पोलिसांनी केले आहे.
पोलीस बनण्याचे स्वप्न अधूरे; भरतीदरम्यान तरुणाचा मृत्यू – सविस्तर बातमी
केज येथील धारूर रोड नजिकच्या भवानी नगर येथे एक कुटुंब राहत आहे. कुटुंबातील पुरुष हा ड्रायव्हर असून दाम्पत्याला दोन वर्षाचा मुलगा आहे. दि. ८ फेब्रुवारीला पती हा कामानिमित्त बाहेर गेला असताना, विवाहिता तिच्या दोन वर्षाच्या मुलाला शेजारी राहत असलेल्या दिराच्या लहान मुलीजवळ ठेवून गेली.
बस स्टैंड वरून जाऊन परत येते, असे सांगून महिला गेली. घरी परत येते असे सांगून गेलेली ती विवाहित तरुणी रात्री घरी परत आलेली नाही. तसेच तिचा मोबाईल बंद आहे. तिच्या पतीने नातेवाईकांकडे शोध घेतला असता आढळून आली नाही. बेपत्ता असलेल्या विवाहितेचा रंग-सावळा, शरीरबांधा मध्यम, उंची ५ फुट,अंगावर हिरव्या रंगाची साडी व राखाडी रंगाचे ब्लाऊज, गळ्यामध्ये मणी मंगळसुत्र, कानात पिवळ्या धातूचे कानातले दागिना, पायात चांदीचे चैन असे तिचा पोशाख घातला आहे. तपास सहायक पोलिस उपनिरीक्षक राजू वाघमारे हे करीत आहे.
