स्थानिक गुन्हे शाखेची पात्रुडमध्ये कारवाई
marathinews24.com
बीड (अनंत जाधव)- मोटार सायकलस्वार ३३ किलो गांजा विक्रीसाठी घेऊन जाणाऱ्याला स्थानिक गुन्हे शाखेच्या पोलिसांनी बेड्या ठोकल्या आहेत. त्याच्यावर अंमली पदार्थ विरोधी कायद्यानुसार माजलगाव शहर पोलीस ठाण्यात गुन्हा दाखल केला.
पैशांच्या वादातून साथीदारांच्या मदतीने केला मित्राचा खून – सविस्तर बातमी
बीडच्या स्थानिक गुन्हे शाखेला २३ जानेवारीला मोटार सायकलस्वार सय्यद अत्तार रहेमान सय्यद हा परळीकडे एसँगमध्ये ३३ किलो गांजा घेऊन जात असल्याची माहिती मिळाली होती. त्यानुसार स्थानिक गुन्हे शाखेतील पोलीस निरीक्षक सुशांत सुतळे यांनी पात्रूड येथे सापळा रचून या मोटार सायकलस्वाराला अटक केली. त्याच्या सॅगची तपासणी केली असता त्यामध्ये गांजा आढळून आला असून त्याची किंमत ७ लाख ४६ हजार एवढी आहे. त्याच्यावर अंमली पदार्थ विरोधी कायदा, गुंगीकारक औषध द्रव्ये आदी १९८५ कलमाद्वारे गुन्हा दाखल केला.
आरोपीला माजलगाव शहर पोलीस ठाण्याच्या स्वाधीन करण्यात आले. ही कारवाई पोलीस अधिक्षक नवनीत काँवत, अंबाजोगाईचे अपर पोलीस अधिक्षक चेतना तिडके, स्थानिक गुन्हे शाखेचे पोलीस निरीक्षक शिवाजी बंटेवाड यांच्या मार्गदर्शनाखाली पोलीस उपनिरीक्षक सुशांत सुतळे, पोलीस हवालदार मारुती कांबळे, सुनिल अंगलट, रामचंद्र केकान, गोविंद भताने, सचीन आंधळे, बिभिशन चव्हाण, अतुल हराळे यांनी केली
