पोलिस उपायुक्त मिलिंद मोहीते यांचा दणका
marathinews24.com
पुणे – शहरातील बिबवेवाडी, आंबेगाव आणि मार्केटयार्ड परिसरात दहशत माजविणाऱ्या ९ सराईत गुन्हेगारांना दोन वर्षांसाठी पुणे शहर, पिंपरी-चिंचवड पोलिस आयुक्तालय तसेच जिल्ह्यातून तडीपार केले आहे. परिमंडळ दोनचे पोलीस उपायुक्त मिलिंद मोहिते यांनी याबाबतचे आदेश दिले आहेत. एकाचवेळी नऊ जणांवर कारवाई केल्याने गुन्हेगारांचे धाबे दणाणले आहेत.
डिस्काऊंटमधील शेअर्सचा नाद पडला दिड कोटींना – सविस्तर बातमी
जालिंदर मसा मोरे (वय ४८, रा. अप्पर इंदिरानगर), अण्णा ऊर्फ गणराज सुनिल ठाकर (वय २६, रा. अप्पर बिबवेवाडी), ओंकार लक्ष्मण सणस (वय २३, रा. बिबवेवाडी), राजु महादेव डेंगळे (वय २२, रा. सुखसागर नगर), आकाश गुलाबराव कांबळे (वय २१, रा.), कृष्णा बबन लोखंडे (वय २४, रा.), आर्यन बापु बेलदरे (वय २४, रा. आंबेगाव बुद्रुक), सोमगौडा गुरन्ना चौधरी (वय ३३, रा. मार्केटयार्ड), साहिल भिमा अष्टगे (वय २०, रा. मार्केटयार्ड) अशी तडीपार करण्यात आलेल्यांची नावे आहेत.
शहरात वाढती गुन्हेगारी आणि टोळीयुद्धाला लगाम घालण्यासाठी पोलीस प्रशासनाने कडक पाऊल उचलले आहे. गुन्हेगारी पार्श्वभूमी असलेल्या या टोळ्यांमुळे सर्वसामान्यांच्या जीविताला आणि मालमत्तेला धोका निर्माण झाल्याचा ठपका ठेवत या नऊ जणांना तडीपार केले आहे. या आरोपींविरुद्ध खुनाचा प्रयत्न, जबरी चोरी, बेकायदेशीर हत्यार वापरणे, गंभीर दुखापत करणे, धमकी देणे, मारहाण करणे यांसारखे गंभीर गुन्हे दाखल आहेत. वारंवार प्रतिबंधात्मक उपाययोजना करूनही त्यांच्या वर्तनात सुधारणा न झाल्याने आणि त्यांच्यामुळे समाजात भीतीचे वातावरण निर्माण झाल्याने, ही कारवाई केली आहे. पोलीस आयुक्त अमितेश कुमार यांच्या मार्गदर्शनाखाली परिमंडळ दोनचे पोलीस उपायुक्त मिलिंद मोहिते यांनी ही कारवाई केली.
