मोबाइलधारकाविरूद्ध गुन्हा दाखल
marathinews24.com
पुणे – सायबर चोरट्यांनी एका महिलेला एपीके फाईल पाठवून त्यांच्या बँक खात्याचा रिमोट अॅक्सेस घेतला. त्यानंतर बँकखात्यातून तब्बल ९ लाख रूपये ऑनलाईनरित्या इतर बँकखात्यात वर्ग करून घेत फसवणूक केली आहे. ही घटना ५ ऑगस्टला कोथरूडमध्ये घडली आहे. याप्रकरणी ४४ वर्षीय महिलेने कोथरूड पोलीस ठाण्यात तक्रार दाखल केली आहे. त्यानुसार मोबाइलधारकाविरूद्ध गुन्हा दाखल करण्यात आला आहे.
मुंढव्यात तडीपार गुंडाला पकडले – सविस्तर बातमी
पोलिसांनी दिलेल्या माहितीनुसार, तक्रारदार महिला कोथरूडमध्ये राहायला असून, ५ ऑगस्टला सायबर चोरट्यांनी त्यांना एपीके फाईल पाठविली होती. त्यानंतर तक्रारदार महिलेने फाईल उघडली असता, सायबर चोरट्यांंनी त्यांच्या बँकखात्यात अॅक्सेस घेतला. त्यांच्या खात्यातून तब्बल ९ लाखांची रक्कम वर्ग करून घेत फसवणूक केली. बँकेतून रक्कम वजा झाल्याचा संदेश आल्यानंतर महिलेला फसवणूक झाल्याचे लक्षात आले. त्यानंतर त्यांनी तातडीने पोलीस ठाण्यात धाव घेउन तक्रार दाखल केली आहे. याप्रकरणी पोलीस निरीक्षक अनिल माने तपास करीत आहेत.
