धनकवडीत घटनेने खळबळ
marathinews24.com
पुणे – घरामध्ये गॅसगळती होउन लागलेल्या आगीत ९९ वर्षीय जेष्ठ गंभीररित्या जखमी झाले आहेत. ही घटना रविवारी (दि. ९) दुपारी एकच्या सुमारास धनकवडीतील ज्ञानेश्वर हाउसिंग सोसायटीत घडली. अग्निशमक दलाच्या जवानांनी तत्काळ घटनास्थळी धाव घेत आगीवर नियंत्रण मिळवले आहे. गंभीर जखमी झालेल्या जेष्ठाला रूग्णालयात दाखल केले आहे. दरम्यान, आगीत घरातील संसारपयोगी साहित्य जळून खाक झाले असल्याचे दिसून आले आहे. बाबुराव दत्तात्रय महामुनी (वय ९९ रा. ज्ञानेश्वर हाउसिंग सोसायटी, धनकवडी ) असे गंभीररित्या जखमी झालेल्या जेष्ठाचे नाव आहे.
टोळक्याची तरुणाला फायटरने मारहाण – सविस्तर बातमी
अग्निशमक दलाच्या जवानांनी दिलेल्या माहितीनुसार, धनकवडी परिसरातील ज्ञानेश्वर हाउसिंग सोसायटीत रविवारी दुपारी एकच्या सुमारास आग लागल्याची घटना घडल्याची माहिती मिळाली. त्यानुसार जवानांनी तातडीने घटनास्थळी धाव घेतली असता, इमारतीच्या सहाव्या मजल्यावर घरामध्ये गॅसगळती होउन आग लागल्याचे दिसून आले. अग्निशमन दलाच्या कात्रज आणि गंगाधाम गंगाधाम अग्निशमन केंद्रातील जवानांनी होज रील होजच्या मदतीने पाणी मारून आग विझवली.
आगीमध्ये बाबुराव दत्तात्रय महामुनी वय ९९ गंभीर जखमी झालेल्या व्यक्तीला बाहेर काढण्यात आले. नातेवाईकांच्या मदतीने त्यांना रूग्णालयात दाखल केले आहे. आगीत घराच्या स्वयंपाक घरातील साहित्य इलेक्ट्रिक वायरिंग भिंतीचा कलर जळून नुकसान झाले. आग विझवण्यासाठी कात्रज अग्निशमन केंद्राकडे प्रभारी उपाग्निशमन अधिकारी संतोष भिलारे, फायरमन किरण पाटील विनायक घागरे, योगेश कुंभार अक्षय देवकर, शुभम बोबडे, ड्रायव्हर बंडू गोगावले, गंगाधाम अग्निशमन केंद्रातील फायरमन राजेश घडशी, शैलेश गोरे, अक्षय मोढे, ज्ञानेश्वर कदम, धनंजय भिसे, चालक प्रसाद शिंदे यांनी सहभाग घेतला.
