सहकारनगर पोलिसांची कामगिरी
marathinews24.com
पुणे – मोटार चालकाला दुचाकी आडवी मारून अपघाताचा बनाव करीत लुटमार करणार्या चोरट्याला सहकारनगर पोलिसांनी अटक केली आहे. त्याने मोटार चालकाचे चोरलेले दोन्ही मोबाइल पोलिसांनी जप्त केले आहेत. ही घटना ६ सप्टेंबरला रात्री साडेबाराच्या सुमारास चव्हाणनगर कमान चौकात घडली होती. अनिकेत गणेश शिंदे (वय १९, रा. लक्ष्मीनगर, पुणे) असे अटक केलेल्याचे नाव आहे.
खरेदीच्या बहाण्याने सराफी पेढीतून अंगठी चोरी – महिलेविरुद्ध गुन्हा – सविस्तर बातमी
तक्रारदार तरूण हे ६ सप्टेंबरला रात्री साडेबाराच्या सुमारास चव्हाणनगर कमान चौकातून मोटारीतून प्रवास करीत होते. त्यावेळी दुचाकीस्वार तिघाजणांनी त्यांच्या मोटारीला गाडी आडवी उभी करून अपघाताचा बनाव केला. त्यामुळे तक्रारदाराने गाडीतून खाली उतरून कोणी जखमी झाले आहे का, याची विचारणा केली. त्याचा राग आल्यामुळे टोळक्याने त्यांना शिवीगाळ करीत बेदम मारहाण केली. त्यांच्याकडील दोन मोबाइल हिसकावून टोळके पसार झाले. याप्रकरणी सहकारनगर पोलीस ठाण्यात गुन्हा दाखल करण्यात आला होता. त्यानुसार पोलिसांनी तपासाला गती दिली.
तपास पथकातील पोलीस अमलदार अमोल पवार आणि अमित पदमाळे यांना आरोपा आरो आरोपींची माहिती मिळाली. गुन्हा करणारे तिन्हीही आरोपी सहकारनगरमधील ट्रेझर पार्क परिसरात दुचाकीवर बसल्याची माहिती मिळाली. त्यानुसार पथकाने तातडीने धाव घेत अनिकेत शिंदे याला ताब्यात घेतले. चौकशीत त्याने दोन अल्पवयीन मुलांच्या मदतीने चोरीचा गुन्हा केल्याची कबुली दिली. त्यांच्याकडून २५ हजारांचे दोन मोबाइल जप्त केले आहेत.
ही कामगिरी अपर पोलीस आयुक्त राजेश बनसोडे, पोलीस उपायुक्त मिलींद मोहिते, सहायक पोलीस आयुक्त राहुल आवारे, वरिष्ठ पोलीस निरीक्षक विठ्ठल पवार, पोलीस निरीक्षक सुरेखा चव्हाण, तपास पथकाचे पोलीस उपनिरीक्षक सद्दामहुसेन फकीर, बापु खुटवड, बजरंग पवार, नीलेश शिवतरे, संदीप कोळगे, रफिक तडवी, किरण कांबळे, अभिमान बागलाने, महेश भगत, सागर सुतकर यांनी केली.
