वाघोली भागात अपघात
marathinews24.com
पुणे – भरधाव दुचाकीच्या धडकेत पादचारी ज्येष्ठ महिलेचा मृत्यू झाल्याची घटना नगर रस्त्यावरील वाघोली भागात घडली. याप्रकरणी वाघोली पोलिसांनी दुचाकीस्वाराला ताब्यात घेतले आहे. मनीषा सुरेश औटी (वय ६०, रा. मांडव खुर्द, ता. पारनेर, जि. अहिल्यानगर) असे मृत्यूमुखी पडलेल्या महिलेचे नाव आहे. त्यांच्या २८ वर्षीय मुलीने वाघोली पोलीस ठाण्यात फिर्याद दिली आहे.
पिस्तुलाच्या धाकाने लूटमार करणारा तोतया पोलीस गजाआड – सविस्तर बातमी
पोलिसांनी दिलेल्या माहितीनुसार, मनीषा ओैटी शुक्रवारी (२४ ऑक्टोबर) सकाळी आठच्या सुमारास वाघोली बसस्थानक परिसरातून निघाल्या होत्या. त्यावेळी भरधाव दुचाकीने त्यांना धडक दिली. अपघातात त्या गंभीर जखमी झाल्यान. त्यांना नागरिकांनी त्वरीत खासगी रुग्णालयात दाखल केेले. उपचारादरम्यान त्यांचा मृत्यू झाला. अपघातानंतर पसार झालेल्या दुचाकीस्वाराला पोलिसांनी ताब्यात घेतले आहे. पोलीस उपनिरीक्षक वैजीनाथ केदार तपास करत आहेत.
