कात्रज ते ग्राहक पेठ प्रवासादरम्यान घडली घटना
marathinews24.com
पुणे – पीएमपीएल बसप्रवासात गर्दीचा फायदा घेउन चोरट्यांनी ५८ वर्षीय प्रवाशाच्या गळ्यातील ८१ हजारांची सोन्याची चैन चोरून नेली. ही घटना २३ ऑक्टोबरला संध्याकाळी साडेपाचच्या सुमारास कात्रज ते ग्राहक पेठ प्रवासादरम्यान घडली आहे. याप्रकरणी वाल्हेकरवाडी परिसरात राहणार्याने स्वारगेट पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल केला आहे.
डिजिटल अटकेच्या भीतीने जेष्ठ महिलेला २५ लाखाला लुटले – सविस्तर बातमी
पोलिसांनी दिलेल्या माहितीनुसार, तक्रारदार हे वाल्हेकरवाडी परिसरात राहायला असून, २३ ऑक्टोबरला संध्याकाळी साडेपाचच्या सुमारास स्वारगेट बसस्थानकातून भोसरीच्या दिशेने जाणार्या गाडीत बसले. त्यावेळी बसमध्ये गर्दीचा फायदा घेउन चोरट्यांनी संबंधित तक्रारदाराच्या गळ्यातील ८१ हजारांची सोन्याची चैन हिसकावून नेली. ग्राहक पेठ परिसरात चोरीची घटना लक्षात आल्यानंतर प्रवाशाने स्वारगेट पोलीस ठाण्यात धाव घेत तक्रार दाखल केली. याप्रकरणी पोलीस उपनिरीक्षक योगेश कोतकर तपास करीत आहेत.
