लाचलुचपत प्रतिबंधक कायद्यान्वये गुन्हा दाखल
marathinews24.com
पुणे – थकीत वेतन मिळवून देण्यासाठी लाच घेणाऱ्या इंदापुरातील ओैद्योगिक प्रशिक्षण संस्थेतील लिपिकाविरुद्ध लाचलुचपत प्रतिबंधक विभागाने (एसीबी) गुन्हा दाखल केला. अनमोल शिवाजी शिंगे याच्याविरुद्ध लाचलुचपत प्रतिबंधक कायद्यान्वये गुन्हा दाखल करण्यात आला आहे. शिंगेला ताब्यात घेण्यात आले आहे, अशी माहिती लाचलुचपत प्रतिबंधक विभागातील अधिकाऱ्यांनी दिली.
उमराटी’ प्रकरणात होणार सराईतांची झाडाझडती – सविस्तर बातमी
ओैद्योगिक प्रशिक्षण संस्थेतील वसतिगृह अधीक्षकाने लाचलुचपत प्रतिबंधक विभागाकडे तक्रार दिली होती. जुलै, ऑगस्ट, सप्टेंबर महिन्यातील वेतन थकीत असल्याने वसतिगृह अधिक्षकांनी लिपिक शिंगे याची भेट घेतली. थकित वेतन मिळवून देण्याची विनंती केली. वेतन मंजुरीसाठी शिंगे याने तीन हजार रुपयांची लाच मागितली.
तक्रारदाराने तडजोडीत दोन हजार रुपयांची लाच देण्याचे मान्य केले. सोमवारी दुपारी ओैद्योगिक प्रशिक्षण संस्थेजवळ सापळा लावून तक्रारदाराकडून लाच घेताना शिंंगे याला ताब्यात घेण्यात आले. त्याच्याविरुद्ध रात्री उशीरा गुन्हा दाखल करण्यात आला. पोलीस अधीक्षक शिरीष सरदेशपांडे, अतिरिक्त अधीक्षक अजित पाटील, अर्जुन भोसले यांच्या मार्गदर्शनाखाली ही कारवाई करण्यात आली.
