गुन्हे शाखेच्या युनिट दोनची कारवाई
marathinews24.com
पुणे – घरफोडी करणाऱ्या चोरट्याला गुन्हे शाखेने अटक केली. चोरट्याने पर्वती परिसरात घरफोडी केल्याचे तपासात उघडकीस आले आहे. रमेश विठ्ठलराव धोत्रे (वय २४, रा. सच्चाईमाता मंदिर, कात्रज) असे अटक करण्यात आलेल्या चोरट्याचे नाव आहे. धोत्रे याने पर्वती परिसरात घरफोडीचा गुन्हा केला होता. याप्रकरणी पर्वती पोलीस ठाण्यात गुन्हा दाखल करण्यात आला होता.
शेअर मार्केटमध्ये गुंतवणूकीच्या आमिषाने फसवणूक – सविस्तर बातमी
गुन्हे शाखेच्या युनिट दोनचे पोलीस कर्मचारी उज्ज्वल मोकाशी आणि विनोद चव्हाण हे गस्त घालत होते. पर्वती परिसरात धोत्रे थांबला होता. पोलिसांच्या पथकाने त्याला संशयावरुन ताब्यात घेतले. चौकशीत त्याने घरफोडीचा गुन्हा केल्याची कबुली दिली. त्याला गुन्हे शाखेने पर्वती पोलिसांच्या ताब्यात दिले. पोलीस निरीक्षक संतोष सोनवणे यांच्या मार्गदर्शनाखाली सहायक निरीक्षक आशिष कवठेकर, अमोल रसाळ, संजय जाधव, शंकर नेवसे, संजय आबनावे, शंकर कुंभार, ओंकार कुंभार, विशाल दळवी, साधना ताम्हाणे, अजीम शेख, सद्दाम तांबोळी यांनी ही कामगिरी केली.
