येरवड्यातील यशवंतनग भागात घडली घटना
marathinews24.com
पुणे – किरकोळ वादातून शेजाऱ्याच्या डोक्यात सिमेंटचा गट्टू मारुन त्याचा खुनाचा प्रयत्न करण्यात आल्याची घटना येरवड्यातील यशवंतनग भागात घडली. याप्रकरणी एकाला लक्ष्मीनगर पोलिसांनी अटक केली. हरिदास भगवान सातपुते (वय ४२, रा. यशवंतनगर, येरवडा ) असे गंभीर जखमी झालेल्याचे नाव आहे. याप्रकरणी अशोक तुकाराम साठे (रा. यशवंतनगर, येरवडा) याच्याविरुद्ध खुनाचा प्रयत्न केल्याप्रकरणी गुन्हा दाखल करण्यात आला असून, त्याला अटक करण्यात आली आहे. सातपुते यांनी लक्ष्मीनगर पोलीस ठाण्यात फिर्याद दिली आहे.
खळबळजनक; १० वर्षाच्या मुलासोबत अश्लील कृत्य अन् मारहाण – सविस्तर बातमी
पोलिसांनी दिलेल्या माहितीनुसार, सातपुते आणि साठे हे शेजारी आहेत. ६ जानेवारी रोजी सकाळी दहाच्या सुमारास यशवंतनगरमधील स्वच्छतागृहाजवळ दोघांमध्ये किरकोळ कारणावरुन वाद झाला. वादातून साठे याने सातपुते यांच्या डोक्यात सिमेंटचा गट्टू मारला. सातपुते यांच्या डोक्याला गंभीर दुखापत झाली. पोलीस उपनिरीक्षक दळवी तपास करत आहेत.
